"Ноттингем Форест" "Фенербахче" ҳужумчиси Миши Батшуайи билан шартнома имзолашга яқин турибди, деб хабар беради таниқли инсайдер Фабрицио Романо ўзининг ижтимоий тармоғида.
Манбага кўра, "ўрмончилар" аввалроқ "Челси"да тўп тепган бельгиялик ҳужумчига анчадан бери қизиқиш билдиришган. "Ноттингем" ҳужум чизиғини кучайтирмоқчи бўлган футболчилар рўйхатида Миши январь ойида ҳам бор эди.
29 ёшли ҳужумчи 2016-2022 йилларда "Челси" футболчиси сифатида қайд этилган, аммо деярли ҳар йили бошқа клубларга ижарага берилган.
Ўтган мавсумда бельгиялик футболчи Туркия чемпионатида 19 та ўйинда майдонга тушиб, 12 та гол урган ва битта голли узатмани амалга оширган.