"Atalanta" yarim himoyachisi Aleksey Miranchuk jamoasiga qaytishi mumkin. Bu haqda taniqli jurnalist Janluka di Marsio xabar bermoqda.

Manbaga ko‘ra, 27 yoshli rossiyalik futbolchining Bergamo klubidagi kelajagi hujumchi Duvan Sapataning "Torino"ga ketishi ehtimoliga bog‘liq. Qayd etilishicha, agar kolumbiyalik futbolchi "Atalanta"ni tark etsa, u holda jamoa murabbiylar shtabi Miranchukning jamoaga qaytishi mumkinligini ko‘rib chiqadi, chunki klub yozgi transfer oynasi yopilguniga qadar Sapata o‘rniga o‘rinbosar topishga ulgurmaydi.

Eslatib o‘tamiz, Miranchuk o‘tgan mavsumni "Torino"da ijara asosida o‘tkazgan edi. Turinliklar safida rossiyalik futbolchi 31 ta o‘yin o‘tkazib, 4 ta gol urdi va 6 ta golli uzatmani amalga oshirdi.