"Аталанта" ярим ҳимоячиси Алексей Миранчук жамоасига қайтиши мумкин. Бу ҳақда таниқли журналист Жанлука ди Марцио хабар бермоқда.
Манбага кўра, 27 ёшли россиялик футболчининг Бергамо клубидаги келажаги ҳужумчи Дуван Сапатанинг "Торино"га кетиши эҳтимолига боғлиқ. Қайд этилишича, агар колумбиялик футболчи "Аталанта"ни тарк этса, у ҳолда жамоа мураббийлар штаби Миранчукнинг жамоага қайтиши мумкинлигини кўриб чиқади, чунки клуб ёзги трансфер ойнаси ёпилгунига қадар Сапата ўрнига ўринбосар топишга улгурмайди.
Эслатиб ўтамиз, Миранчук ўтган мавсумни "Торино"да ижара асосида ўтказган эди. Туринликлар сафида россиялик футболчи 31 та ўйин ўтказиб, 4 та гол урди ва 6 та голли узатмани амалга оширди.
