Diyego Simeonening o‘g‘li, argentinalik hujumchi Jovanni Simeone o‘tgan mavsumda "Napoli" bilan chempionlikni qo‘lga kiritdi va hozir u klubda uzoq vaqt qolishni istayotganini aytdi.
"Ochig‘i, men "Napoli"da uzoq vaqt, balki bir umr qolishni istardim. Ular meni sotib olishdi, shartnomani uzaytirdik, men xohlaganim shu edi, futbol olamida o‘z o‘rnimni topdim. Bu yerda argentinalik sifatida chempionlikni qo‘lga kiritish alohida narsa edi. Asosiy o‘yinchi emasligim esa unchalik qo‘rqinchli emas – jamoada har kimning o‘z o‘rni bor", – deya kichik Simeone so‘zlaridan iqtibos keltirgan ITASportPress.
