"PSJ" hujumchi Kilian Mbappeni saqlab qolishdan umidvor. L'Equipe xabariga ko‘ra, Parij klubi Chempionlar ligasidagi muvaffaqiyatli o‘yinlar fransiyalik futbolchini muddati tugaydigan shartnomasini uzaytirishga ko‘ndira oladi, deb umid qilmoqda.

Eslatib o‘tamiz, Mbappe yoz boshida "PSJ" rahbariyatini shartnomani uzaytirmoqchi emasligi haqida xabar bergan edi. Shu bois parijliklar hujumchini ma’lum muddatga tarkibdan chetlatishdi va unga nisbatan qattiq jazo choralarini qo‘llashdi. Oxir-oqibat, Kilian safga qaytdi, ammo uning yangi shartnoma haqidagi fikri hali o‘zgarmadi.

Avvalroq Mbappe kelasi yozda “Real”ga tekinga o‘tishi haqida xabarlar tarqalgan edi.