"Atletiko" himoyachisi Nauel Molinaning yangi shartnomasi bo‘yicha tovon puli miqdori ma’lum.
Jurnalist Matteo Morettoning so‘zlariga ko‘ra, jahon chempioni xizmatlariga qiziqayotgan klublar 100 million yevro to‘lashi mumkin, bu avvalroq xabar qilinganidan 30 million yevroga ko‘p. Ma’lumki, "matraschilar" rahbariyati argentinalik bilan xayrlashmoqchi emas.
Eslatib o‘tamiz, Molina o‘tgan yilning iyul oyidan beri "Atletiko"da o‘ynamoqda. Uning hisobida ispan grandi libosida 44 ta o‘yin va 5 ta gol bor. Transfermarkt portali 25 yoshli futbolchining narxini 35 million yevroga baholamoqda.