Himoyachi Aleksandr Zinchenko Londonning "Arsenal" klubi bilan yangi shartnoma imzolashi mumkin, deya xabar beradi 90min. Bu "kanonirlar" rahbariyatining yaqin kelajakdagi ustuvor maqsadlaridan biri.
Ukrainalik futbolchi London jamoasi safiga o‘tgan yozda kelib qo‘shilgandi. Tomonlar o‘rtasidagi amaldagi shartnoma muddati 2026 yilning o‘rtalarigacha hisoblangan. "Arsenal"ga o‘tishdan oldin Zinchenko "Manchester Siti"ning ranglarini himoya qilgan.
Angliya Premyer-ligasining joriy mavsumida 26 yoshli futbolchi to‘rtta o‘yinda gol ura olmadi. Besh tur yakunlariga ko‘ra, “Arsenal” turnir jadvalida to‘rtinchi o‘rinni egallab turibdi.
