Erik ten Xagning "Manchester Yunayted"dagi faoliyati o‘ta murakkab boshlangan edi. U o‘tgan avgust oyida "qizil iblislar" bilan yomon start namoyish etdi. Niderlandiyalik mutaxassis kelishidan oldingi mavsum ham o‘ta omadsiz o‘tgan, jamoa APL tarixidagi eng kam ochkosini to‘plab, mavsumni 6 o‘rinda yakunlagandi. Garchand ten Xag "Manchester Yunayted"dagi ilk ikki turni boy bergan bo‘lsa ham, umumiy mavsumda yaxshi natijaga erishdi. Markus Reshfordning hujumdagi sermahsulligi, Kazemironing markazdagi nazorati hamda David De Xea seyvlari orqali "Manchester Yunayted" uchinchi o‘rin bilan yana YECHLga chiqdi. Undan oldingi mavsumda "qizil iblislar" YELda harakat qilgandi.
Afsuski, 2023/24 yilgi mavsumning avvali ham "MYU" uchun muammoli kechmoqda. Klub atrofida maydonga bog‘liq bo‘lmagan ishlar sodir bo‘ldi. Oqibatda, mankunianliklar 5 ta turning 3 tasida mag‘lubiyatga uchradi. Bunday holat klub tarixida oldin kuzatilmagan edi. Muvozanatsiz tarkib jarohatlar aziyat cheka boshladi. Oqibatda, Erik ten Xagning ishlari tanqidga olininmoqda. Shu sababli natijalar yaxshilanishi kerak. Bu ishga qadar siz bilan Erik ten Xagning ilk o‘yinidan beri "MYU" va boshqa APL klublari qancha ochko to‘plaganini solishtirib ko‘ramiz.
1. "Manchester Siti" – 104 ochko
2. "Arsenal" – 94 ochko
3. "MYU" – 81 ochko
4. "Liverpul" – 80 ochko
5. "Nyukasl" – 77 ochko
6. "Brayton" – 74 ochko
7. "Tottenxem" – 73 ochko
8. "Aston Villa" – 70 ochko
9. "Brentford" – 65 ochko
10. "Fulxem" – 59 ochko
11. "Kristal Pelas" – 52 ochko
12. "Vest Xem" – 50 ochko
13. "Chelsi" – 48 ochko
14. "Vulverxempton" – 44 ochko
15. "Nottingem" – 44 ochko
16. "Bornmut" – 41 ochko
17. "Everton" – 37 ochko.
ISMATOV J.
