Madridning “Real” klubi yarim himoyachisi Federiko Valverde klub bilan yangi shartnoma imzolashi mumkin.

O‘tgan yozda urugvaylik futbolchiga Angliya Premyer-ligasi gigantlari qiziqish bildirgandi, ammo yarim himoyachining o‘zi Madridni tark etish istagini bildirmadi va "qirollik klubi" uni sotish imkoniyatini ko‘rib chiqmadi. Jurnalist Ekrem Konurning yozishicha, “Real” tez orada Valverde bilan yangi mehnat shartnomasi bo‘yicha muzokara boshlashni rejalashtirmoqda. 25 yoshli futbolchining amaldagi shartnomasi 2027 yilgacha mo‘ljallangan.

Federiko Valverde "Los Blankos" safida 209 ta o‘yinda 19 ta gol urgan va 15 ta golga assistentlik qilgan. Transfermarkt xabariga ko‘ra urugvaylik futbolchining transfer qiymati 100 million yevroni tashkil qiladi.