Huquqlari Madridning “Atletiko” klubiga tegishli bo‘lgan argentinalik yarim himoyachi Rodrigo de Paul Italiya A seriyasining top-klubida o‘ynash imkoniyatiga yega.
Manbaga ko‘ra, Turinning "Yuventus" klubi yarim himoyachini o‘z safiga qo‘shib olishni rejalashtirmoqda. “Keksa senyora” de Paulni doping uchun qo‘lga olingan fransiyalik Pol Pogba o‘rniga nomzod sifatida ko‘rmoqda.
Rodrigo 2021 yilning yozidan buyon "matraschilar"da o‘ynamoqda. Futbolchi va Madrid klubi o‘rtasidagi mehnat shartnomasi 2026 yilning iyun oyi oxirida tugaydi. Argentinalik futbolchining transfer narxi 40 million yevroga baholanmoqda.
