Mikel Arteta o‘z shogirdlarini "Tottenxem"ni mensimaslikdan qaytardi. "Arsenal" ustozi Xarri Keynsiz qolgan "shporlar" yanada xavfli ekanini ta’kidladi.
"Keyn jamoadagi eng muhim figuralardan biri edi. Bu shubhasiz, albatta. U o‘z vaqtida jamoani atrofida birlashtirgandi. Hozir "Tottenxem" butunlay boshqa uslubga o‘tgan. Endi biz mutlaqo yangi jamoaga qarshi kurashishimiz kerak. Ularda ham vaziyatlarni yakunlash borasida yaxshi darajaga ega futbolchilar bor va biz ularni qaytarishni o‘ylashimiz lozim. Bizdan, shuningdek, raqibga moslashish talab etiladi", — deydi baskoniyalik mutaxassis.
