"Tottenxem" bosh murabbiyi Ange Postekoglu jamoa Xarri Keynsiz qanday kurashayotganini tushuntirdi.

Angliya terma jamoasi yetakchisi avgust oyida “shporlar”ni tark etib, “Bavariya”ga o‘tishga qaror qilgan edi.

"Keyn "Tottenxem" uchun juda muhim shaxs edi, shuning uchun bunday yo‘qotish, albatta, ma’lum bir bo‘shliqni qoldirishi mumkin. Biz bor e’tiborimizni kelajakka, o‘zimizdagi futbolchilarga qaratishga harakat qilyapmiz va hozir o‘z ishimizdan juda mamnunman. Odamlar buni ko‘rmasligi mumkin, ammo klub tarixidagi, ehtimol, eng yaxshi futbolchini almashtirish oson ish emas va biz buni hozirgacha yaxshi uddaladik", - deya Postekoglu so‘zlarini keltirmoqda GOAL.