«Liverpul»ning 32 yoshli yarim himoyachisi Tyago Alkantara Ispaniyaga o‘tishi mumkin. Bu haqda Todofichajes jurnalistlari xabar bermoqda.

Manbaga ko‘ra, tajribali yarim himoyachi xizmatlariga «Real Sosyedad» qiziqmoqda. Klub yanvardagi transfer oynasida Tyagoni qo‘lga kiritishga urinib ko‘rishi mumkin.

O‘tgan mavsumda Angliya chempionatida Alkantara 18 ta o‘yin o‘tkazib, uchtadan ogohlantirish olgan. Ispaniyalik futbolchining «Liverpul» bilan amaldagi shartnomasi kelasi yilning iyun oyi oxirigacha amal qiladi.