«Arsenal» bosh murabbiyi Mikel Arteta «Tottenxem» ustozi Anje Postekoglu haqida gapirdi.

«Yangi vazifa, yangi imkoniyat. Shubhasiz, ularda juda yaxshi natijalarga erishgan va klubdagi muhitni va hamma narsani o‘zgartirgan yangi murabbiy bor.

Bu boshqa uslub, shuning uchun biz unga moslashishimiz, o‘zligimizda qolishimiz va raqibni mag‘lub etish uchun yetarlicha saviyali o‘yin ko‘rsatishimiz kerak.

Menga Postekogluning uslubi juda yoqadi. U murabbiylik qilgan futbolchilarni bilaman. APLning go‘zalligi shundaki, bizda top-murabbiylar bor, eng kuchli raqobat yuzaga kelgan va har bir o‘yin juda qiyin kechadi», - deya Artetaning so‘zlarini keltiradi «Arsenal» matbuot xizmati.