Yarim himoyachi Arda Gyuler endigina tuzalayotgan bir paytda yana «Real Madrid» kasalxonasiga yotqizildi.
Oxirgi marta tizzasini jarohatlagan bo‘lsa, bu safar turk futbolchisi son mushagini shikastlab oldi.
Todofichaes'ning so‘zlariga ko‘ra, eng yaxshi kutilmada Gyuler uch haftani o‘tkazib yuboradi. 18 yoshli futbolchining tiklanishi uchun ko‘proq vaqt kerak bo‘lishi mumkin.
Har holda, Gyuler terma jamoa o‘yinlari uchun oktyabr oyidagi tanaffusdan oldin «Real»da o‘ynamaydi.
Eslatib o‘tamiz, yozda Arda Gyuler «Fenerbaxche»dan «Real»ga o‘tgan edi. Yosh yarim himoyachi hali «Real» safida debyut qilgani yo‘q.
