Londonning «Chelsi» jamoasi yanvar oyida chap qanot himoyachisi Mark Kukurelya bo‘yicha takliflarni tinglashga tayyor.

Jurnalist Jeyms Olli bergan ma’lumotlarga ko‘ra, «ko‘klar» qishki transfer oynasida ispaniyalik futbolchidan qutulishni xohlaydi.

«Chelsi» Kukurelyani yozgi transfer oynasida ijaraga berishi mumkin edi, ammo «Manchester Yunayted» bilan kelishuv amalga oshmay qoldi.

Futbolchining o‘zi ham ketishga tayyor, chunki u juda kam o‘yin vaqti olmoqda va bosh murabbiy Maurisio Pochettinoning rejalariga kiritilmagan.