A Seriyaning ketma-ket ikkinchi turida La Gazzetta dello Sport Xvicha Kvarasxeliyani «Napoli»ning eng yaxshi futbolchisi deb tan oldi.
Neapolliklar 4:1 hisobida g‘alaba qozongan «Udineze»ga qarshi o‘yinda u 7,5 ball oldi.
«Kvaradonani qaytgani bilan tabriklaymiz. Oradan 192 kun o‘tib u gol urdi. Kvara yuqori motivasiyaga ega edi, dadil dribling qildi va o‘z duellarida g‘alaba qozondi.
Penalti ishlab, ikki marta darvoza ustunini ko‘zladi va Simeonega golli uzatma berdi. Shuningdek, u o‘zi gol urganida butun stadionni xursand qildi, to‘pni darvozabon ustidan nafis tashlab, qo‘ydi», - deb yozdi nashr.