Madridning “Real” klubi bosh murabbiyi Karlo Anchelotti “Barselona”ning Ispaniya Qirollik futbol federasiyasi hakamlar texnik qo‘mitasi sobiq vise-prezidenti Xose Negreyraga pora berganlikda ayblanganiga izoh berdi.
“Hamma futboldagi insonlar kabi men ham bu vaziyatdan xavotirdaman, chunki bu juda jiddiy masala. Adolat ishlamoqda va biz bu vaziyat yakunlanishini kutishimiz kerak. Men 40 yildan beri futbol olamidaman. Bunday vaziyatlar sodir bo‘lganda, ular barchamizni tashvishga soladi", - deya Anchelotti so‘zlarini keltiradi Marca.