"Manchester Yunayted"dan ketganidan so‘ng erkin agent maqomida bo‘lgan ispaniyalik darvozabon David de Xea faoliyatini davom ettirish uchun turli variantlarni ko‘rib chiqishda davom etmoqda.
Todofichajes nashrining xabariga ko‘ra, darvozabonning xizmatlariga Turkiya Superligasining bir qancha klublari qiziqish bildirmoqda. Potensial klublarning nomlari hozircha oshkor etilmagan.
Avvalroq OAV Davidda faoliyatini “An-Nasr”da davom ettirish imkoniyati borligi haqida xabarlar tarqalgandi, biroq futbolchi bu variantdan bosh tortgandi.
32 yoshli ispaniyalik futbolchi 2011 yildan 2023 yilgacha “Manchester Yunayted” safida o‘ynagan.