"Манчестер Юнайтед"дан кетганидан сўнг эркин агент мақомида бўлган испаниялик дарвозабон Давид де Хеа фаолиятини давом эттириш учун турли вариантларни кўриб чиқишда давом этмоқда.
Todofichajes нашрининг хабарига кўра, дарвозабоннинг хизматларига Туркия Суперлигасининг бир қанча клублари қизиқиш билдирмоқда. Потенциал клубларнинг номлари ҳозирча ошкор этилмаган.
Аввалроқ ОАВ Давидда фаолиятини “Ан-Наср”да давом эттириш имконияти борлиги ҳақида хабарлар тарқалганди, бироқ футболчи бу вариантдан бош тортганди.
32 ёшли испаниялик футболчи 2011 йилдан 2023 йилгача “Манчестер Юнайтед” сафида ўйнаган.