“Andijon” futbol klubi bosh direktori lavozimida ishlab kelgan Ulug‘bek Mirzayev bilan klub ta’sischisi o‘rtasida tuzilgan mehnat shartnomasi ikki tomonlama kelishuvga ko‘ra bekor qilindi. Bu haqda klub matbuot xizmati xabar tarqatdi.
"Ulug‘bek Mirzayevga oylik maoshlar, mukofot pullari va kompensasiya sifatida oldindan ikki oylik ish haqlari to‘lab berilishi yuzasidan ikki tomonning roziligi bilan kelishib olindi.
Shu o‘rinda Ulug‘bek Abdusattorovichga “Andijon” klubidagi mehnati uchun minnatdorchilik bildiramiz va keyingi faoliyatida omad tilab qolamiz", — deyiladi tarqatilgan xabarda.
“Andijon” matbuot xizmati.