"Bavariya" vinger Leroy Sanega yangi uzoq muddatli shartnoma taklif qiladi.

27 yoshli futbolchining amaldagi shartnomasi 2025 yilning o‘rtalariga qadar tuzilgan va "Bavariya" rahbariyati shartnomani uzaytirishdan manfaatdor ekani ma’lum. Jurnalist Nikolo Skiraning yangilangan ma’lumotlariga ko‘ra, myunxenliklar tez orada Sane bilan muzokara boshlashga tayyor. Germaniya terma jamoasi futbolchisiga 2028 yilgacha shartnoma taklif qilinadi.

Leroy Sane ushbu mavsumda Tomas Tuxel jamoasi uchun 11 o‘yinda 7 ta gol urdi. Umuman olganda, germaniyalik futbolchi 2020 yilda "Manchester Siti"dan "Bavariya"ga o‘tganidan beri 144 o‘yinda maydonga tushib, 45 ta gol va 37 ta golli uzatmaga mualliflik qilgan.