"Бавария" вингер Лерой Санега янги узоқ муддатли шартнома таклиф қилади.
27 ёшли футболчининг амалдаги шартномаси 2025 йилнинг ўрталарига қадар тузилган ва "Бавария" раҳбарияти шартномани узайтиришдан манфаатдор экани маълум. Журналист Николо Скиранинг янгиланган маълумотларига кўра, мюнхенликлар тез орада Сане билан музокара бошлашга тайёр. Германия терма жамоаси футболчисига 2028 йилгача шартнома таклиф қилинади.
Лерой Сане ушбу мавсумда Томас Тухель жамоаси учун 11 ўйинда 7 та гол урди. Умуман олганда, германиялик футболчи 2020 йилда "Манчестер Сити"дан "Бавария"га ўтганидан бери 144 ўйинда майдонга тушиб, 45 та гол ва 37 та голли узатмага муаллифлик қилган.
