«RB Leypsig» yarim himoyachisi Dani Olmo qishki transfer oynasida klubini o‘zgartirishi mumkin.

Bild xabariga ko‘ra, 25 yoshli ispaniyalik yarim himoyachi xizmatlariga Madridning «Real» klubi qiziqish bildirmoqda.

Qayd etilishicha, «qirollik klubi» Olmoning Germaniya jamoasidagi holatini kuzatib bormoqda.

Avvalroq, «Yuventus» yarim himoyachiga ko‘z tikkani va futbolchini kelasi yozda sotib olishni rejalashtirayotgani haqida ma’lumotlar paydo bo‘lgandi.

Joriy mavsumda Olmo barcha musobaqalarda to‘rtta o‘yinda maydonga tushib, beshta gol urdi va bitta golli uzatmani amalga oshirdi.