"Manchester Yunayted" yarim himoyachisi Kristian Eriksen nega bu mavsumda kamroq maydonga tusha boshlagani haqidagi savolga javob berdi.
“Bu savolni murabbiyga bersangiz yaxshi bo‘ladi. O‘tgan haftani kasallik tufayli o‘tkazib yubordim, ammo hozir men yaxshi va ajoyib formadaman. Albatta, men har bir o‘yinda maydonga tushishni istayman, lekin murabbiy boshqa uslubdagi futbolchilardan foydalanadi", - deya Eriksenning so‘zlarini keltiradi Ekstra Bladet.
Joriy mavsumda 31 yoshli yarim himoyachi barcha turnirlarni hisobga olgan holda to‘qqizta o‘yinda maydonga tushib, bitta gol urdi va bitta golli uzatmani amalga oshirdi.
