Shveysariyalik darvozabon Gregor Kobel va Dortmundning "Borussiya" klubi o‘rtasidagi yangi kelishuv tafsilotlari ma’lum bo‘ldi. Jurnalist Florian Plettenberg ular haqida X ijtimoiy tarmog‘ida (sobiq Twitter) xabar bermoqda. Eslatib o‘tamiz, o‘tgan hafta tomonlar hamkorlikni 2028 yil iyun oyi oxirigacha uzaytirgan edi.

Manbaga ko‘ra, yangi shartnomada tovon puli ko‘zda tutilmagan. Ammo, ta’kidlanishicha, "Borussiya" darvozabon uchun taxminan 50-60 million yevro taklif qilinsa, uni o‘zida saqlab qolmaydi. Ayni damda shveysariyalik futbolchi yiliga 9 million yevro maosh bilan jamoaning eng ko‘p maosh oluvchi futbolchilaridan biri hisoblanadi.

Joriy mavsumda Kobel barcha turnirlarda "asalarilar" uchun to‘qqizta o‘yin o‘tkazdi. Futbolchining Dortmund klubi bilan avvalgi shartnomasi 2026 yilning iyun oyi oxirigacha tuzilgan. Transfermarkt internet portaliga ko‘ra, futbolchining taxminiy narxi 35 million yevroni tashkil qiladi.