Швейцариялик дарвозабон Грегор Кобель ва Дортмунднинг "Боруссия" клуби ўртасидаги янги келишув тафсилотлари маълум бўлди. Журналист Флориан Плеттенберг улар ҳақида Х ижтимоий тармоғида (собиқ Twitter) хабар бермоқда. Эслатиб ўтамиз, ўтган ҳафта томонлар ҳамкорликни 2028 йил июнь ойи охиригача узайтирган эди.
Манбага кўра, янги шартномада товон пули кўзда тутилмаган. Аммо, таъкидланишича, "Боруссия" дарвозабон учун тахминан 50-60 миллион евро таклиф қилинса, уни ўзида сақлаб қолмайди. Айни дамда швейцариялик футболчи йилига 9 миллион евро маош билан жамоанинг энг кўп маош олувчи футболчиларидан бири ҳисобланади.
Жорий мавсумда Кобель барча турнирларда "асаларилар" учун тўққизта ўйин ўтказди. Футболчининг Дортмунд клуби билан аввалги шартномаси 2026 йилнинг июнь ойи охиригача тузилган. Transfermarkt интернет порталига кўра, футболчининг тахминий нархи 35 миллион еврони ташкил қилади.
