«PSJ» o‘zining MMA loyihasini yaratish imkoniyatini ko‘rib chiqmoqda, deb xabar beradi Le Parisien.

Manbaga ko‘ra, rossiyalik Xabib Nurmagomedov ushbu loyihaning nominal rahbari bo‘lishi mumkin.

Bu g‘oyani klubning dzyudo bo‘yicha murabbiyi Jamel Bouras ilgari surmoqda, xabarlarga ko‘ra, u «PSJ» prezidenti Nosir Al-Xelayfiyni bu yo‘nalishga undamoqda.

Shuningdek, kelishuvga o‘z kompaniyasi orqali Nurmagomedov, Kamaru Usmon, Jastin Getji va Genri Sexudoga mas’ul bo‘lgan Ali Abdel-Aziz ham aloqador bo‘lishi mumkinligi xabar qilingan. Xabar qilinishicha, 2022 yilda Qatarda bo‘lib o‘tgan futbol bo‘yicha jahon chempionati vaqtida muzokaralar jadallashgan.

Fransiya klubida allaqachon futbol, ​​gandbol va dzyudo bo‘yicha jamoalar mavjud bo‘lib, endi bu sport faoliyatini yanada kengaytirmoqchi.

2020 yilning oktyabr oyida 35 yoshli Nurmagomedov yengil vaznda UFC chempioni sifatida faoliyatini yakunladi. Rossiyalik sportchi 29 ta g‘alaba bilan sportni mag‘lubiyatsiz yakunladi.