"Real" hujumchisi Rodrigo Goes qirollik klubi bilan shartnomani uzaytirishga yaqin turibdi. Bu haqda ijtimoiy tarmoqlarda insayder Nikolo Shkira xabar berdi.
Jurnalistning fikricha, braziliyalik forvard va ispan grandi o‘rtasidagi yangi shartnoma 2028 yilning o‘rtalariga qadar amal qiladi. "Real" shartnomaga bir milliard yevro miqdoridagi ulkan band kiritmoqchi.
Rodrigoning Madridliklar bilan amaldagi shartnomasi 2025 yilning iyun oyi oxirida yakuniga yetadi. Joriy mavsumda braziliyalik hujumchi barcha turnirlarda 11 ta o‘yin o‘tkazib, bitta gol va bitta golli uzatmaga mualliflik qilgan.
