"Реал" ҳужумчиси Родриго Гоэс қироллик клуби билан шартномани узайтиришга яқин турибди. Бу ҳақда ижтимоий тармоқларда инсайдер Николо Шкира хабар берди.
Журналистнинг фикрича, бразилиялик форвард ва испан гранди ўртасидаги янги шартнома 2028 йилнинг ўрталарига қадар амал қилади. "Реал" шартномага бир миллиард евро миқдоридаги улкан банд киритмоқчи.
Родригонинг Мадридликлар билан амалдаги шартномаси 2025 йилнинг июн ойи охирида якунига етади. Жорий мавсумда бразилиялик ҳужумчи барча турнирларда 11 та ўйин ўтказиб, битта гол ва битта голли узатмага муаллифлик қилган.
