"Bavariya" darvozaboni Manuel Noyer yana jamoaning asosiy futbolchisiga aylanishini kutmoqda.

Myunxenliklarning 37 yoshli sardori o‘tgan yildan beri jarohati sabab maydonga tushmayapti. Xabaringiz bor, faxriyning uzoq kutilgan maydonga qaytishi tez orada amalga oshishi kerak.

Bundan tashqari, "Bavariya" Noyer bilan yangi shartnoma imzolashni rejalashtirmoqda. Jurnalist Georg Xolznerning so‘zlariga ko‘ra, bu yil oxirigacha muzokaralar bo‘lib o‘tadi va darvozabonning o‘zi yana bir necha yil yuqori saviyada o‘ynash niyatida.

Manuel Noyer 2011/12 yilgi mavsum oldidan "Shalke-04"dan kelganidan beri "Bavariya" uchun 488 ta o‘yinda maydonga tushdi.