Islom birdamligi sport federasiyasi O‘zbekiston delegasiyasining Osiyo o‘yinlaridagi natijasini e’tirof etdi.
Xanchjou-2022 XIX yozgi Osiyo o‘yinlaridan so‘ng bir qator xalqaro tashkilotlar musobaqa yakuni bo‘yicha o‘z yo‘nalishlaridagi tahlillarni e’lon qilinmoqda. Ahamiyatli tomoni, Islom birdamligi sport federasiyasi ushbu tashkilotga a’zo mamlakatlarning natijalarini e’lon qildi va unda O‘zbekiston delegasiyasi birinchi o‘rinda e’tirof etildi.
Shuningdek, kuchli uchlikdan Eron va Bahrayn delegasiyalari o‘rin egallagan. Eslatib o‘tamiz, hamyurtlarimiz Osiyo o‘yinlarida 22 ta oltin, 18 ta kumush va 31 ta bronza, jami 71 ta medal jamg‘arib, medallar soni va sifati bo‘yicha o‘z tarixidagi eng yaxshi natijani qayd etdi.
