"Yuventus" yarim himoyachisi Nikolo Fajioli sport musobaqalariga pul tikgani uchun diskvalifikasiya qilishga majbur bo‘ladi.
Dastlab italiyalik futbolchini uch yilgacha diskvalifikasiya qilish bilan tahdid qilishgandi, ammo 22 yoshli futbolchi tergov bilan hamkorlik qilishga qaror qilib, jazoni sezilarli darajada kamaytirishga erishgan ko‘rinadi.
Jurnalist Jovanni Albanezening so‘zlariga ko‘ra, Fajioli 7 oydan 8 oygacha diskvalifikasiya qilinadi. Yarim himoyachi bu hukmga qo‘shiladi va barcha qoidabuzarliklarni tan olib, to‘g‘ri ish qilganiga ishonadi.
Ba’zi ma’lumotlarga ko‘ra, Nikolo Fajioli bir necha oy davomida qilgan garovlarining umumiy summasi 1 million yevrodan oshadi.
