Londonning «Arsenal» klubi darvozaboni David Rayya «kanonirlar» lageridagi kelajagi haqida o‘z fikrlari bilan o‘rtoqlashdi.
U poytaxt jamoasida «Brentford»dan ijara asosida to‘p suradi.
«Men hozir dunyoning top klublaridan birida o‘ynayapman va Chempionlar ligasida qatnashyapman. Bu haqda uzoq vaqtdan beri orzu qilardim.
Doimiy ravishda «Arsenal»ga o‘tamanmi? Agar menga qolsa, buni bugun qilgan bo‘lardim», - dedi ispaniyalik darvozabon.
28 yoshli darvozabonning londonliklar bilan ijara shartnomasi kelasi yilning iyun oyi oxirigacha amal qiladi.
Transfermarkt portali uning narxini 32 million yevroga baholamoqda.
