Лондоннинг «Арсенал» клуби дарвозабони Давид Райя «канонирлар» лагеридаги келажаги ҳақида ўз фикрлари билан ўртоқлашди.
У пойтахт жамоасида «Брентфорд»дан ижара асосида тўп суради.
«Мен ҳозир дунёнинг топ клубларидан бирида ўйнаяпман ва Чемпионлар лигасида қатнашяпман. Бу ҳақда узоқ вақтдан бери орзу қилардим.
Доимий равишда «Арсенал»га ўтаманми? Агар менга қолса, буни бугун қилган бўлардим», - деди испаниялик дарвозабон.
28 ёшли дарвозабоннинг лондонликлар билан ижара шартномаси келаси йилнинг июнь ойи охиригача амал қилади.
Transfermarkt портали унинг нархини 32 миллион еврога баҳоламоқда.
