Trent Aleksandr-Arnold elektr ustunining qulashi tufayli avariyaga uchradi.
20 oktyabr kuni "Liverpul" futbolchisi o‘zining Range Rover mashinasida Liverpuldan 40 kilometr uzoqlikdagi Natsford shahri yaqinida BMW X5 bilan to‘qnashib ketgan. Baxtsiz hodisa og‘irligi taxminan 500 kg bo‘lgan 12 metrli elektr simi ustunining futbolchining mashinasi oldida ketayotgan BMW mashinasiga qulashi sabab bo‘lgan.
Elektr simi ustuni "Babet" bo‘roni sabab bo‘lgan kuchli shamol tufayli yiqilgan. Ta’kidlanishicha, shamol tezligi soatiga 100 km dan oshgan.
Trent va boshqa haydovchining avtomobillari to‘qnashib ketgan va ikkala mashina ham shikastlangan. Hodisa ishtirokchilaridan hech biri jabrlanmagan.