Osiyo Chempionlar ligasi guruh bosqichining 3-turida OKMK 23 oktyabr, dushanba kuni “Sepahon”ga qarshi bahs olib bordi.

Uchrashuvning 20-daqiqasida eronliklar jarima zarbasidan hisobni ochishgandi. Biroq hakamlar videotakrorni ko‘rib chiqqach, golni bekor qilishdi. Shunga qaramay, 32-daqiqasida Ramin Rizo hisobni ochdi. Oradan 4 daqiqa o‘tib, Mirjahon Mirahmadov chap oyoqdagi ajoyib zarbasi bilan hisobni tenglashtirdi.

Ikkinchi bo‘lim boshida Ramin Rizo dublni rasmiylashtirdi. 60-daqiqada Rizo Asadiy hisobni ishonchli ko‘rinishga olib keldi.

Qolgan daqiqalarda darvozalar ishg‘ol etilmadi va “Sepaxon” 3:1 hisobida g‘alaba qozondi.

Eslatib o‘tamiz, olmaliqliklar 1-turda “Al-Ittihod”ga 0:3 hisobida imkoniyatni boy bergandi. 2-turda esa “Eyr-Fors”ga 1:2 hisobida mag‘lub bo‘lgandi.

OCHL, 3-tur bahsi
23 oktyabr, dushanba
OKMK – “Sepahon” 1:3
Gollar: 0:1 — 32 Ramin Rizo, 1:1 — 36 Mirjahon Mirahmadov, 1:2 — 49 Ramin Rizo, 1:3 — 60 Rizo Asadi.
OKMK: 1. Botirali Ergashev, 29. Vitaliy Denisov (34. Ulug‘bek Sunnatov, 28), 3. Sardor Rahmonov, 5. Anzur Ismoilov (40. Jahongir Fazilov, 46) 2. Akramjon Komilov, 15. Oybek Rustamov, 17. Sanjar Tursunov, 18. Baxtiyorjon Qosimov (24. Murat Ermatov, 82), 19. Muhammadanas Hasanov (27. Martin Boake,55), 14. Mirjahon Mirahmadov, 10. Xurshid G‘iyosov (38. Sirojiddin Bashriddinov, 82).
“Sepaxon”: 1. Payam Niyazmand, 5. Rizo Asadi, 6. Bryan Dabo, 7. Isa Alkasir, 9. Ramin Rizo Eyansemiskandi, 10 Farshad Ahmadzoda, 14. Arya Yusufi, 18. Milad Zakipur, 58. Muhammad Danishgar, 66. Muhammad Gurbani, 86. Javad Hussayinnajod (91. Nilson Barbosa, 58)
Ogohlantirishlar: Arya Yusufi (4), Rizo Asadi (77), Oybek Rustamov (90+4).