Bugun Parij shahridagi UNESCO Bosh qarorgohida Sportda dopingga qarshi kurash bo‘yicha xalqaro Konvensiyaga a’zo davlatlarning IX Sessiyasi boshlandi.
27 oktyabrga qadar davom etadigan ushbu tadbirda O‘zbekiston nomidan mamlakat Milliy antidoping agentligi direktori Abdushukur Sadikov qatnashyapti.
Mazkur Sessiyada ko‘rib chiqiladigan asosiy masalalardan biri Konvensiyaga bir qator muhim o‘zgartirish va qo‘shimchalarni kiritishdir.
Shuningdek, unda belgilangan vazifalarning mamlakatlarda amalga oshirilishi yuzasidan monitoring natijalarini tahlil qilish, Konvensiyaga a’zo mamlakatlarda sportda dopingga qarshi kurash bo‘yicha ishlarni yanada qat’iylashtirish, xalqaro va milliy qonunchilik normalarini takomillashtirish bo‘yicha takliflar ilgari suriladi.