«Real Sosyedad» matbuot kotibi Yon Ander Munduate rossiyalik yarim himoyachi Arsen Zaxaryanning Chempionlar ligasidagi debyuti haqida o‘z fikri bilan o‘rtoqlashdi.
Eslatib o‘tamiz, kecha, 24-oktyabr kuni «Real Sosyedad» Chempionlar ligasi guruh bosqichi 3-tur uchrashuvida «Benfika»ni mag‘lub etdi (1:0).
20 yoshli Zaxaryan ikkinchi bo‘lim oxirlarida maydonga tushdi, ammo qolgan vaqtlarda u darvozaga hech qanday zarba bera olmadi.
«Arsen Chempionlar ligasida debyut qilganidan xursand. Bu muhim voqea. Zaxaryanning uzoq vaqt davomida samarali harakat qilmayotganiga kelsak, bu bizni umuman xafa qilmaydi. Ishonchimiz komilki, vaqt o‘tishi bilan u biz uchun asosiy o‘yinchiga aylanadi», - deya Munduatening so‘zlarini keltirmoqda Sport24.
