"Manchester Siti" boshqaruvchisi Pep Gvardiola "Tottenxem"ning saviyasi haqida o‘z fikrlari bilan o‘rtoqlashdi.
“Shaharliklar” ayni damda 21 ochko bilan uchinchi o‘rinda bormoqda va bitta o‘yin zaxira bilan peshqadam “Tottenxem”dan 5 ochko ortda qolmoqda. Yakshanba kuni Gvardiola shogirdlari safarda “Manchester Yunayted”ga qarshi bahs olib boradi.
“Qarang, “Tottenxem” qanchalik yaxshi o‘ynayapti. Ular haftada bitta o‘yin o‘tkazadilar, shuning uchun ular mavsum davomida kuchli bo‘lib qolishlari mumkin. "Shporlar" mavsum yakunida albatta kuchlilar orasida bo‘ladi", - dedi Gvardiola.
