"Манчестер Сити" бошқарувчиси Пеп Гвардиола "Тоттенхэм"нинг савияси ҳақида ўз фикрлари билан ўртоқлашди.
“Шаҳарликлар” айни дамда 21 очко билан учинчи ўринда бормоқда ва битта ўйин захира билан пешқадам “Тоттенхэм”дан 5 очко ортда қолмоқда. Якшанба куни Гвардиола шогирдлари сафарда “Манчестер Юнайтед”га қарши баҳс олиб боради.
“Қаранг, “Тоттенхэм” қанчалик яхши ўйнаяпти. Улар ҳафтада битта ўйин ўтказадилар, шунинг учун улар мавсум давомида кучли бўлиб қолишлари мумкин. "Шпорлар" мавсум якунида албатта кучлилар орасида бўлади", - деди Гвардиола.