Rossiyalik tennischi Daniil Medvedev Venadagi turnirning yarim finalida Gresiya vakili Stefanos Sisipas ustidan qozonilgan g‘alabaga izoh berdi.
«Uchrashuv davomida yaxshi harakat qildim. Umuman olganda, men uni ko‘p jihatdan bosim ostida qoldirganimdan mamnunman.
Menda juda ko‘p imkoniyatlar bo‘ldi va Sisipas ham o‘z imkoniyatlaridan yaxshi foydalandi. Asosan, bu bosim o‘yin oxirida o‘z samarasini berdi», - deya Medvedevning so‘zlarini keltiradi ATP rasmiy sayti.
Turnir finalida Medvedev italiyalik Yannik Sinner bilan uchrashadi. U o‘zining yarim final uchrashuvida rossiyalik Andrey Rublyovni mag‘lub etgan.
Medvedev va Sinner o‘rtasidagi final uchrashuvi 29 oktyabr kuni bo‘lib o‘tadi. Turnirning umumiy sovrin jamg‘armasi 2,4 million yevroni tashkil qiladi.
