Россиялик теннисчи Даниил Медведев Венадаги турнирнинг ярим финалида Греция вакили Стефанос Циципас устидан қозонилган ғалабага изоҳ берди.

«Учрашув давомида яхши ҳаракат қилдим. Умуман олганда, мен уни кўп жиҳатдан босим остида қолдирганимдан мамнунман.

Менда жуда кўп имкониятлар бўлди ва Циципас ҳам ўз имкониятларидан яхши фойдаланди. Асосан, бу босим ўйин охирида ўз самарасини берди», - дея Медведевнинг сўзларини келтиради ATP расмий сайти.

Турнир финалида Медведев италиялик Янник Синнер билан учрашади. У ўзининг ярим финал учрашувида россиялик Андрей Рублёвни мағлуб этган.

Медведев ва Синнер ўртасидаги финал учрашуви 29 октябрь куни бўлиб ўтади. Турнирнинг умумий соврин жамғармаси 2,4 миллион еврони ташкил қилади.