France Football bosh muharriri Vensan Garsiya portugaliyalik yulduz hujumchi Krishtianu Ronalduning bu yilgi «Oltin to‘p»ga nomzod bo‘lmagani sababini tushuntirdi.
«Bu masala bo‘yicha hech qanday muhokama bo‘lmadi. Ronaldu jahon chempionatida umuman o‘zini ko‘rsatmadi va hozir unchalik e’tibor berilmaydigan ligada o‘ynamoqda. Ammo shunga qaramay, Krishtianu ajoyib futbolchi bo‘lib qolmoqda», — dedi jurnalist Filipp Kesslerga bergan intervyusida.
«Oltin to‘p»ni topshirish marosimi 30 oktyabr kuni Parijda bo‘lib o‘tadi. Nufuzli individual sovringa asosiy da’vogar argentinalik hujumchi Lionel Messi hisoblanadi.
