France Football бош муҳаррири Венсан Гарсия португалиялик юлдуз ҳужумчи Криштиану Роналдунинг бу йилги «Олтин тўп»га номзод бўлмагани сабабини тушунтирди.
«Бу масала бўйича ҳеч қандай муҳокама бўлмади. Роналду жаҳон чемпионатида умуман ўзини кўрсатмади ва ҳозир унчалик эътибор берилмайдиган лигада ўйнамоқда. Аммо шунга қарамай, Криштиану ажойиб футболчи бўлиб қолмоқда», — деди журналист Филипп Кесслерга берган интервьюсида.
«Олтин тўп»ни топшириш маросими 30 октябрь куни Парижда бўлиб ўтади. Нуфузли индивидуал совринга асосий даъвогар аргентиналик ҳужумчи Лионель Месси ҳисобланади.
