Germaniya chempionatining 9-turida turnir jadvalida peshqadamlik qilayotgan “Bayer” o‘z maydonida “Frayburg”ni qabul qilib, 2:1 hisobida g‘alaba qozondi. Leverkuzenliklar joriy chempionatning to‘qqiz turidan so‘ng allaqachon yigirma yettita gol urdi.

Bu to‘qqiz turdan so‘ng klubning yangi rekordidir. Avvalroq jamoa chempionatning ushbu bosqichida eng ko‘p 24 ta gol urgandi. Bu 1996/1997 yilgi mavsumda sodir bo‘lgan.

Bundesliganing navbatdagi turida “Bayer” 4 noyabr kuni mehmonda “Xoffenxaym”ga qarshi bahs olib boradi.