XOQ G‘azo sektoridagi mojarolar fonida sportchilarni diskriminasiyadan ogohlantirdi.
«Xalqaro olimpiya qo‘mitasi (XOQ) individual javobgarlik tamoyiliga sodiqdir. Sportchilar o‘z hukumatlarining harakatlari uchun javobgar bo‘lishi mumkin emas.
Agar sportchi yoki boshqa mansabdor shaxslar tomonidan kamsitish holatlari aniqlansa, XOQ Milliy Olimpiya qo‘mitasi va tegishli xalqaro federasiya bilan birgalikda Tokio-2020 Olimpiadasi vaqtida bo‘lgani kabi tezkor choralar ko‘rishni ta’minlaydi», dedi XOQ matbuot kotibi.
Tokiodagi o‘yinlardan so‘ng jazoirlik dzyudochi Fethi Nurin 10 yilga diskvalifikasiya qilindi. U isroillik raqibi Tohar Butbul bilan ehtimoliy jangdan qochish uchun musobaqani tark etgandi.
