Marsel Desayi «Chelsi»ning klub madaniyatini tanqid qildi.

Premyer-liganing joriy mavsumining 10 turidan so‘ng klub 12 ochko bilan turnir jadvalining 11-pog‘onasida bormoqda.

«London klubi transferlar uchun milliard funt sarflaganiga qaramay, biroz qiyinchiliklarni boshdan kechirmoqda. Bu g‘alati, chunki siz professional muvaffaqiyatga erishgan va sarmoya kiritishga qaror qilgan odamlarni tanqid qila olmaysiz.

Ular rahbariyat bilan maslahatlashib, har bir futbolchini klub falsafasiga moslashtirish uchun o‘nlab uchrashuvlar o‘tkazishdi. Shuning uchun tanqid qilish juda qiyin.

Aytishim mumkin bo‘lgan yagona narsa - aloqada xatolik bor. Ular o‘zlari sotib olgan o‘yinchilarning salohiyatiga mahliyo bo‘lishadi, lekin g‘alaba qozonish mentalitetini unutib qo‘yishgan.

Bu tajribani talab qiladi, natijaga darhol erishish uchun hech qachon yangi iste’dod yetarli emas. Ular murabbiy Pochettino bilan birga o‘zlarida mavjud bo‘lgan jamoa orqali chempionlik uchun kurasha olamiz, deya o‘ylashdi va xato qilishdi.

Mavsum boshidanoq ular chempionlik uchun kurasha olmasligi aniq edi», dedi Fransiya terma jamoasining sobiq himoyachisi.