Марсель Десайи «Челси»нинг клуб маданиятини танқид қилди.

Премьер-лиганинг жорий мавсумининг 10 туридан сўнг клуб 12 очко билан турнир жадвалининг 11-поғонасида бормоқда.

«Лондон клуби трансферлар учун миллиард фунт сарфлаганига қарамай, бироз қийинчиликларни бошдан кечирмоқда. Бу ғалати, чунки сиз профессионал муваффақиятга эришган ва сармоя киритишга қарор қилган одамларни танқид қила олмайсиз.

Улар раҳбарият билан маслаҳатлашиб, ҳар бир футболчини клуб фалсафасига мослаштириш учун ўнлаб учрашувлар ўтказишди. Шунинг учун танқид қилиш жуда қийин.

Айтишим мумкин бўлган ягона нарса - алоқада хатолик бор. Улар ўзлари сотиб олган ўйинчиларнинг салоҳиятига маҳлиё бўлишади, лекин ғалаба қозониш менталитетини унутиб қўйишган.

Бу тажрибани талаб қилади, натижага дарҳол эришиш учун ҳеч қачон янги истеъдод етарли эмас. Улар мураббий Почеттино билан бирга ўзларида мавжуд бўлган жамоа орқали чемпионлик учун кураша оламиз, дея ўйлашди ва хато қилишди.

Мавсум бошиданоқ улар чемпионлик учун кураша олмаслиги аниқ эди», деди Франция терма жамоасининг собиқ ҳимоячиси.