"Chelsi" yarim himoyachisi Enso Fernandes klub tomonidan Moyses Kaysedoni sotib olish bo‘yicha kelishuvda ishtirok etganini tan oldi.
Ekvadorlik futbolchining "Brayton"dan "Chelsi"ga o‘tishi haqidagi muzokaralar yoz davomida davom etdi. Avgust oyi o‘rtalarida 22 yoshli yarim himoyachi “Liverpul”ni rad etib, nihoyat London klubiga o‘tdi. Transfer narxi 116 million yevroni tashkil qildi.
"Men "Chelsi" uni sotib olishga qiziqayotganini bilardim, shuning uchun men unga qo‘ng‘iroq qildim va rozi bo‘lishi kerakligini aytdim, chunki "Chelsi" ambisiyalarga ega buyuk klub", dedi Enso Sky Sports nashriga.
Moyses Kaysedo joriy mavsumda Maurisio Pochettino jamoasida 11 ta o‘yinda maydonga tushdi.
